ഏത് തണുപ്പിലേക്ക് ആണ്
നീ
കൂട് മാറിയത്
മഴ തെളിച്ചു
നീപടി മറഞ്ഞപ്പോള്‍
ഹൃദയം
ശൂന്യമായി
Wednesday, November 11, 2009
Friday, June 12, 2009
ചെരുപ്പ്
തിടുക്കത്തില്‍ ആണെങ്കിലും
തനിയെ തിരഞ്ഞെടുത്ത
ചെരുപ്പാണ്
അളവ് നോക്കാന്‍ വിട്ടുപോയി
സ്വന്തമായപ്പോള്‍ ആണ് അറിഞ്ഞത്
കാലിനു പാകമെയല്ല
വിരലുകളെല്ലാം വെളിയില്‍
നടക്കുമ്പോള്‍ ഇടയ്ക്കെല്ലാം
കാലില്‍നിന്നു തെറിച്ചു
ദൂരേക്ക്‌
എത്രയിടത്ത്
കല്ലില്‍ തട്ടി വേദനിച്ചു
എന്നും മുറിവും നോവും
കാലുനിറയെ
വ്രണങ്ങളായി
എങ്കിലും
എറിഞ്ഞു കളയാമെന്നു വച്ചാല്‍
ചെരുപ്പില്ലാത്തവളെ
വരാന്തയില്‍ കയറ്റില്ല ആരും
കാലുനിറയെ
ചെളി ഉണ്ടാകുമത്രേ
Sunday, June 7, 2009
Tuesday, May 26, 2009
ഓര്‍മ്മ
ഓര്‍ത്തുപോകുന്നു നിന്നെ ഞാന്‍
വേണ്ടെന്നു
വഴികളൊക്കെ
പിണങ്ങുന്നുവെങ്കിലും
ഇരുളിനൊട്ടും
തടുക്കുവാനാകാതെ
ഇതളിലൂടെ
പ്രഭാതം വരുമ്പോലെ
ഓര്‍ത്തു പോകുന്നു
നിന്നെ ഞാന്‍
വേണ്ടെന്നു
കതകു പൂട്ടുന്നു
വര്‍ഷങ്ങള്‍ എങ്കിലും
പ്രണയമെന്നായിരുന്നോ
പ്രതീക്ഷകള്‍
കനലുനീന്തിക്കടക്കുന്നതിന്‍
പേര്‌
ചിതറി വീണിവള്‍
പലതായടുക്കുവാന്‍
പതിയെ വന്ന നീ
നിഴലായിരുന്നുവോ!
Monday, April 27, 2009
രാത്രി
നിറയെ ഉള്ളിലും
കണ്ണിലുംകാറ്റിലും
കനലുതന്നെ നീ ,
ഒന്നുകില്‍ കത്തിടും
നെഞ്ചില്‍ അല്ലെങ്കില്‍
ഉലയായി നീറിടും .
സങ്കടങ്ങള്‍ പതുങ്ങുന്ന
കാടിന്റെ
ചിറകില്‍ ഏറി
മടങ്ങുന്ന
പകലിനെ
മെല്ലെ മെല്ലെ
മറക്കുന്ന
രാത്രി നീ .
വയ്യെനിക്ക്‌
മുറിക്കുവാനീ
വലക്കണ്ണികള്‍
എന്നെ
ഇല്ലാതെ
ആക്കിലും,
അത്രമേല്‍
നീ
പുനര്‍ ജനി -
ച്ചെപ്പൊഴോ
എന്റെ ഉള്ളിലെ
ഞാനായി
ജീവനേ .
എന്നെനീ
അറിയുന്നില്ല
എങ്കിലും
ചോരയായ്
പതയുന്നു
നീ
പ്രാണനില്‍ .
രാത്രിയാണ് നീ
കൂരിരുള്‍
ചില്ലയില്‍
പൂക്കുവാന്‍ വന്ന
സങ്കടമാണ്
ഞാന്‍ .
കണ്ണിലുംകാറ്റിലും
കനലുതന്നെ നീ ,
ഒന്നുകില്‍ കത്തിടും
നെഞ്ചില്‍ അല്ലെങ്കില്‍
ഉലയായി നീറിടും .
സങ്കടങ്ങള്‍ പതുങ്ങുന്ന
കാടിന്റെ
ചിറകില്‍ ഏറി
മടങ്ങുന്ന
പകലിനെ
മെല്ലെ മെല്ലെ
മറക്കുന്ന
രാത്രി നീ .
വയ്യെനിക്ക്‌
മുറിക്കുവാനീ
വലക്കണ്ണികള്‍
എന്നെ
ഇല്ലാതെ
ആക്കിലും,
അത്രമേല്‍
നീ
പുനര്‍ ജനി -
ച്ചെപ്പൊഴോ
എന്റെ ഉള്ളിലെ
ഞാനായി
ജീവനേ .
എന്നെനീ
അറിയുന്നില്ല
എങ്കിലും
ചോരയായ്
പതയുന്നു
നീ
പ്രാണനില്‍ .
രാത്രിയാണ് നീ
കൂരിരുള്‍
ചില്ലയില്‍
പൂക്കുവാന്‍ വന്ന
സങ്കടമാണ്
ഞാന്‍ .
Sunday, April 26, 2009
നിഴല്‍
ഞാനറിഞ്ഞിരുന്നല്ലോ
നിന്മിടിപ്പുകളെന്നെ
കാതോര്‍ത്തു നോവുന്നതിന്‍
ഗാഡമാം നിശ്ശബ്ദത
എങ്കിലുംപൊതിഞ്ഞെന്നെ
പേടികള്‍,
അരുതെന്ന്ഹൃദയം വിതുമ്പുമ്പോള്‍
ജാലകം അടച്ചു ഞാന്‍ .
വൈകിഞാന്‍ ഓടിക്കിതച്ച്
എത്തുമ്പോഴേക്കും
നീയും കടലും പിരിഞ്ഞുവോ
സ്നേഹമേ !
നടന്നു നീ മറഞ്ഞോ
അകന്നുവോ .....?
നിന്മിടിപ്പുകളെന്നെ
കാതോര്‍ത്തു നോവുന്നതിന്‍
ഗാഡമാം നിശ്ശബ്ദത
എങ്കിലുംപൊതിഞ്ഞെന്നെ
പേടികള്‍,
അരുതെന്ന്ഹൃദയം വിതുമ്പുമ്പോള്‍
ജാലകം അടച്ചു ഞാന്‍ .
വൈകിഞാന്‍ ഓടിക്കിതച്ച്
എത്തുമ്പോഴേക്കും
നീയും കടലും പിരിഞ്ഞുവോ
സ്നേഹമേ !
നടന്നു നീ മറഞ്ഞോ
അകന്നുവോ .....?
പ്രണയം
എത്രമേലഗാധം കടല്‍
നിന്നിലേക്ക്‌ അറ്റുവീഴുകയാണീ
മഴച്ചുരുള്‍
ഏറ്റുവാങ്ങുക ഓരോമിടിപ്പിലും
കാത്തിരിപ്പിന്റെ
പൊള്ളുന്ന തീക്കടല്‍ .
Wednesday, April 8, 2009
ഇരുട്ടത്ത്
മേഘങ്ങള്‍ മിന്നിപെയ്തു തളര്‍ന്ന്
മഴപ്പിന്നല്‍ അഴിക്കാനറിയാതെ
ഒച്ചവച്ചുരുളുംപോള്‍
തട്ടിവീണിരുട്ടിന്‍റെ
നീണ്ട നൂലുകള്‍
കട്ടി തണുപ്പിന്‍
ചൂലും താങ്ങി
കറ്റിറങ്ങുകയത്രേ.
ചതഞ്ഞോരുടല്‍വള്ളിതഴഞ്ഞ്
മെരുങ്ങാതെ
തുറിച്ചു നില്ക്കും വേനല്‍ -
ച്ചെതുമ്പല്‍ ഉരിഞ്ഞിട്ടു
മരങ്ങള്‍ തിരുകുന്നു
കാറ്റിനെ അടിമുടി .
തിളച്ചു തകരാതെ
വഴങ്ങി വഴുതുന്ന
തണുത്ത കള്ളത്തരം
പുതച്ച മഴയാണ്.
ഇരുട്ടത്തൊരിടത്
പുതഞ്ഞു കിടക്കുന്നു ;
പഴക്കമുണ്ടെന്നോര്‍ക്കാന്‍
അടയാളങ്ങള്‍ മാത്രം .
ഇരുട്ടതും കൊണ്ടുപോയ്
ഇലകള്‍ പൊതിഞ്ഞേക്കം
ഇറക്കമിറങ്ങുംപോള്‍
ഒടുവില്‍ മറന്നേക്കാം.
മഴപ്പിന്നല്‍ അഴിക്കാനറിയാതെ
ഒച്ചവച്ചുരുളുംപോള്‍
തട്ടിവീണിരുട്ടിന്‍റെ
നീണ്ട നൂലുകള്‍
കട്ടി തണുപ്പിന്‍
ചൂലും താങ്ങി
കറ്റിറങ്ങുകയത്രേ.
ചതഞ്ഞോരുടല്‍വള്ളിതഴഞ്ഞ്
മെരുങ്ങാതെ
തുറിച്ചു നില്ക്കും വേനല്‍ -
ച്ചെതുമ്പല്‍ ഉരിഞ്ഞിട്ടു
മരങ്ങള്‍ തിരുകുന്നു
കാറ്റിനെ അടിമുടി .
തിളച്ചു തകരാതെ
വഴങ്ങി വഴുതുന്ന
തണുത്ത കള്ളത്തരം
പുതച്ച മഴയാണ്.
ഇരുട്ടത്തൊരിടത്
പുതഞ്ഞു കിടക്കുന്നു ;
പഴക്കമുണ്ടെന്നോര്‍ക്കാന്‍
അടയാളങ്ങള്‍ മാത്രം .
ഇരുട്ടതും കൊണ്ടുപോയ്
ഇലകള്‍ പൊതിഞ്ഞേക്കം
ഇറക്കമിറങ്ങുംപോള്‍
ഒടുവില്‍ മറന്നേക്കാം.
Subscribe to:
Posts (Atom)
